Слобадан Милошевичнинг сўнгги хати

Ўзининг ўлимига қадар 3 кун олдин 8 март куни Слобадан Милошевич Россия Федерацияси Ташқи ишлар вазирлигига мактуб битди. Югославия экс-президенти ёрдамчилари мазкур хатни Россиянинг Голландиядаги элчихонаси дипломатларига С.Милошевичнинг ўлими куни -11 март куни етказдилар. Сизга ушбу хатнинг русчадан ўзбек тилига қилинган таржимасини ҳавола этамиз.

Хонимлар ва жаноблар!

Мени даволанишим борасида билдирган тайёргарликларингиз ва барча зарур бўлган муҳим кафолатларни изҳор қилиб, тақдим этган инсонийлик ва билдирган ҳамдардлигингиздан беҳад миннатдорчилигимни изҳор қилиб, Сизларга қуйидагиларни маълум қиламан:

Ўйлайманки, менинг Россияда даволанишим йўлида кўрсатилаётган бу ердаги қаттиқ қаршилик, биринчи навбатда, уларнинг бундан қўрқишларидир. Чунки, изчан ва мукаммал олиб борилиши мумкин бўлган текширувлар натижасида менинг соғлиғимга қарши суд жараёнларида иш олиб борган ғараз ниятли компания фош этилиши мумкин. Унинг далилларини рус мутахассисларидан яширишнинг ҳеч ҳам иложи йўқ эди.

Мен Сизларга ўзимнинг фикрларимни исбот қилиш учун хатга ҳужжат қўшиб юбормоқдаман. Менга бу ҳужжатни 7 март куни беришди. Бу ерда кўрсатилишича, 12 январ куни (икки ой муқаддам) анализ олиб борган врачларнинг айтишича, менинг қонимда жуда кучли, яъни ўпка ва мохов касалликларига қарши ишлатиладиган дори борлиги маълум бўлган. Лекин мен қамоқхонада ўтказган сўнгги беш йилликда ҳеч қачон антибиотик истеъмол қилмаганман.

Бундан ташқари, ушбу муддат мобайнида ҳеч қандай юқумли касаллик ҳам орттирган эмасман (гриппни ҳисобга олмаганда). Анализдан икки ой ўтгачгина унинг натижаларини менга кўрсатилиши-бу найрангдан бошқа нарса эмас. ?ар қандай ҳолатда, ким менга бу дориларни мохов касаллигига қарши берган бўлса-да, улар мени касалликлардан халос қила олмайди, ҳамда мени жим ўтиришимга мажбурлаётган кишилар ҳам ва яна ҳарбий ҳаракатлар чоғида она ватанимни ҳимоя қилиб, мен қарши турган кишилар ҳам мени бу касалликдан қутқара олмаслиги тайин.

Сизларга маълумки, рус тиббиёт ходимлари дунёдаги энг ҳурмат қозонган ва ишончли табиблар сирасига киради. Улар текшириш ва томирларимни даволаш жуда зарур ва муҳим, деган хулосага келишди. Мен буни ўзимни ўта ёмон ҳис қилиб турганим учун, жуда яхши тушуниб турибман.

Сизларга мурожаат қилиб, Сизлар мени БМТини ниқоб қилиб, ушбу бинода фаолият юритаётган баъзи ишчилар ва уларнинг тажовузларига учраётган соғлиғимни ҳимоя қилишда менга ёрдам берасизлар ҳамда менинг ўта ишончимни қозонган мамлакат-Россия давлати мутахассислари ёрдамида ушбу мамлакат шифохоналаридан бирида тиббий даволанишим насиб қилишига ишонаман.

Самимият ила,
Слобадан Милошевич,
8 март (2006 йил)

1 2